नेपाळमधील आंतरराष्ट्रीय कराटे स्पर्धेत भारतीय संघाचे घवघवीत यश

 पुणे: द इन्स्टिट्यूट ऑफ कंपनी सेक्रेटरीज ऑफ इंडिया (ICSI) यांच्या 27व्या नॅशनल कॉन्फरन्स ऑफ प्रॅक्टिसिंग कंपनी सेक्रेटरीजचे उद्घाटन आज पुण्यात झाले. “Company Secretaries as Leaders: AI, ESG & Stewardship” या संकल्पनेवर आधारित दोन दिवसीय परिषदेत उद्योग क्षेत्रातील मान्यवर, वरिष्ठ कॉर्पोरेट व्यावसायिक आणि नियामक संस्थांचे अधिकारी सहभागी झाले आहेत.

या प्रसंगी ICSI ने एक ऐतिहासिक घोषणा करत 2026 च्या निवडणुका पूर्णपणे ऑनलाइन पद्धतीने घेण्यात येणार असल्याचे जाहीर केले. विशेष म्हणजे, कोणत्याही व्यावसायिक संस्थेकडून प्राधान्यक्रम मतदान (Preferential Voting) ऑनलाइन पद्धतीने घेण्याची ही जगातील पहिलीच वेळ असल्याचा दावा संस्थेने केला आहे.

पंतप्रधानांच्या आर्थिक सल्लागार परिषदेचे अंशकालीन सदस्य प्रा. (डॉ.) गौरव वल्लभ यांनी कृत्रिम बुद्धिमत्तेच्या युगातील अनुपालन व्यवस्थेवर भाष्य करताना कंपनी सेक्रेटरीजना विश्वास, उत्तरदायित्व आणि सुशासनाचे प्रमुख घटक असल्याचे सांगितले. AI च्या जबाबदार वापरामुळेच भविष्यातील स्पर्धात्मक आघाडी निश्चित होईल, असे त्यांनी नमूद केले.

पेटंट, डिझाईन आणि ट्रेडमार्कचे नियंत्रक जनरल प्रा. (डॉ.) उन्नत पी. पंडित यांनी कंपनी सेक्रेटरीजना ट्रेडमार्क एजंट म्हणून उपलब्ध असलेल्या संधींवर प्रकाश टाकला. बौद्धिक संपदा व्यवस्थापन आणि सुशासन कौशल्य यांची सांगड घालून कंपनी सेक्रेटरीज भारताच्या नवोन्मेष परिसंस्थेतील महत्त्वाचे भागीदार बनू शकतात, असे त्यांनी सांगितले.

ICSI चे अध्यक्ष सीएस पवन जी. चांडक यांनी कंपनी सेक्रेटरीजची भूमिका केवळ अनुपालनापुरती मर्यादित न राहता सुशासन, नवकल्पना आणि शाश्वत विकासाला चालना देणारी बनल्याचे सांगितले. ई-व्होटिंगसारख्या उपक्रमांद्वारे संस्थात्मक पारदर्शकता आणि सदस्यांचा सहभाग वाढविण्याचा ICSI चा प्रयत्न असल्याचे त्यांनी स्पष्ट केले.

परिषदेत AI युगातील अनुपालन, ESG समाकलनाद्वारे सुशासन बळकटीकरण, MSME आणि स्टार्टअप्सच्या वाढीस चालना, तसेच IPR पद्धती व प्रक्रिया यांसारख्या विषयांवर तांत्रिक सत्रांचे आयोजन करण्यात आले आहे. पुढील दशकातील कंपनी सेक्रेटरी व्यवसायाचे स्वरूप आणि ICSI च्या शिस्तभंग यंत्रणेवर दोन विशेष पॅनेल चर्चाही आयोजित करण्यात आल्या आहेत.

या कार्यक्रमात ICSI ने 54वे नॅशनल कन्व्हेन्शन, ट्रेडमार्क्सवरील संयुक्त प्रमाणपत्र अभ्यासक्रम, ESG आणि UK Regulatory Compliance अभ्यासक्रम, ICSI India-Australia Facilitation Centre, मॉरिशसमधील पाचवी आंतरराष्ट्रीय परिषद आणि ICSI Invest India Summit यांसारख्या उपक्रमांची घोषणाही केली.

याशिवाय, संस्थेने

Related Party Transactions वरील सुधारित मार्गदर्शक सूचना, Corporate Governance – From Compliance to Excellence Version 5.0, REITs आणि InvITs साठी Secretarial Compliance Report संदर्भातील मार्गदर्शक सूचना आणि परिषदेचे स्मरणिकेचे प्रकाशन केले.

सदस्यांसाठी अधिक संधी निर्माण करण्याच्या उद्देशाने ICSI ने eMSME, Axar Digital Services, Bharath Cloud Services, TSS Consultancy Private Ltd. आणि पुण्यातील Symbiosis University यांच्यासोबत सामंजस्य करार (MoU) देखील केले.

कार्यक्रमात ICSI चे उपाध्यक्ष सीएस द्वारकानाथ चेन्नूर, परिषद अध्यक्ष सीएस राजेश तरपरा, कार्यक्रम संचालक सीएस आशिष करोडिया, WIRC चे अध्यक्ष सीएस योगेश चौधरी आणि पुणे चॅप्टरचे अध्यक्ष सीएस विशाल एन. साळुंखे यांनीही उपस्थितांना संबोधित केले. संस्थेचे सचिव सीएस आशिष मोहन यांनी आभार प्रदर्शन केले.